ek udhar liya hua mukhota
pehen kar roz niklata hun
jaane anjaane
vahi swang roz rachta hun
pita, bete, bhai ka
dost ka, jamai ka
chacha, bhatije, mausi ka
premi ka, padosi ka
ek udhar liya hua mukhota
pehen kar roz niklata hun
jaane anjaane
vahi swang roz rachta hun
das, bees pachas saal
ye udhari ke mukhaute chal jaate haiin
phir samay ki dhoop mein
pheeke pad kar, fisal jaate hain
dikhayii deta hai phir
apna asli chehra
chintaon se, jhurrion se chalni,
mukhauton ne jis ke naak naksh ghis bhi ghis diye honte hain
kyaa jawaab doon ussse
jiska saath kabhi nibhaya hi nahin
duniyadari ki doondh mein
jise pehchaan kabhi paaya hi nahin
bahut der ho jati hai tab tak
sharir aur mun, thak chuka hote hain
vo jeevan bhasm ho chuka hota hai
jo mila tha khud ko pehchanne ke liye
ek udhar liya hua mukhauta
pehen kar roz niklata hun
jaane anjaane
vahi swang roz rachta hun
No comments:
Post a Comment